ازيك يابا الحاج بلج ....عامل ايه في اللي بيحصل ف الدنيا ده !!!!
ولا انا عارف ايه اللي بيحصل بس متدقش وسيبني أخطرف شوية , تصدق ان انا النهارده اول مرة اضيع وقت الفيفا بتاع كل يوم ... بس بصراحة عايز أرغي معاك شوية مع انك سمج و حيوان و زبالة و معفن و واطي بس صاحبي و انا اتعلمت اني استحمل صاحبي حتي لو كان زيك كده .... سلامتك ايه اللي في وشك ده!!!! ... انا أعرف ان الحر ممكن يخلي الواحد تطلعله في وشه حبوب مثلا ... انما اول مرة أشوف واحد الحر طلعله في قورته سعاد حسني و هي صغيرة ... بس متخفش انا كنت اعرف واحد كان طالعله تحت باطه سعاد حسني و هي كبيرة بس ربنا كرمه دلوقتي و طلعتله نانسي عجرم مكانها و من ساعتها تلاقيه علي طول ماشي في الشارع رافع دراعه ... الهي يعجرمك انت يا بعيد ,
العرض ح يطلع .. العرض مش ح يطلع .. العرض ح ينزل .. العرض مش ح ينزل .. العرض ح يقع .. العرض ح يقع ( دي مفيهاش احتمال تاني ) , ألا قوللي صحيح متعرفش أنا ليه بعمل كده .. لأ بجد أصل كده كتير
مرة قبل انت ما تتولد يعني من حوالي سنتين تقريبا عملت حركة شبه دي بس كانت أنقح بقي .. التانية كانت فتحة صدر بالجامد .. فاكر هات رجالتك يا فرج .. اتعملت فيا لأ و المهم ان انا كنت دايس جامد و فاتح ع الرابع و كنت كل ما اقعد افكر ف اللي بيحصل كنت اقول كله يهون عشان مصر .. و في الأخـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــر
مصر هي أول واحدة قالتلي يالا ياد يابن الكلب من هنا و راحت مصر ياخويا قالعة الجزمة و فين يوجعك .. و الله يا عم .. انت بس عشان راجل طيب ساكن في موقع ع النت مبتشوفش الكلام ده .. انما و الله حصل اللي لو كان حد حلفلي بأيمانات المسلمين كلها انه ح يحصل ما كنت ح اصدق .. و دلوقتي مش عارف انا بغلط نفس الغلطة ولا انا نشنت صح المرادي.. طب و المرة اللي فاتت !!!!! انت عارف ساعات كده ببقي ماشي في الشارع و ألاقيني مش مصدق اني زي الناس اللي ماشية في الشارع عندهم ايدين و رجلين متهيألي ان انا عبارة عن عدسة بتتفرج ع الناس و بس ( و انا مش شايف للبقين دول أي علاقة بموضوعنا بس مش مشكلة ) , طب انا عايز أسألك سؤال و تجاوبني بمنتهي الأمانة (بلاش مجاملة بقي عشان احنا اصحاب و بتاع هه) انا صح ولا غلط ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
, مرة كان الواد هاني مسافر و كنت مخنووووووووووووق أوي جه في دماغي أبعتله ميل أفضفضله شوية ( ميل زي الحاجات النكد العظيمة بتاعته كده ... لأ عيل نكدي نكدي يعني ) المهم في وسط الميل كنت بقوله : انا مش وحش أوي كده يا هاني , بس دلوقتي و الله انا مش عارف انا وحش أوي كده ولا ايه !!!!! و علي فكرة دي حاجة مفيش حد يعرفها أكتر مني بس انا عايز رأيك ( و ابوس ايدك بلاش تقعد تقولي لأ و الله انت حلو عشان بتخنق انا عايز كلام عملي يأكل عيش) .
بس يا سيدي راح الشاطر حسن جاري ع الأميرة و خطفها من قدام الوحش المفترس أبو أربع رجول و مناخيرين و أربعتاشر عين و سنة واحدة ( من كتر أكل الحلويات) و خدها ع البساط و طار بيها بعيييييييييييييييييييييييييييد لحــــــــــــــــــــــــــــــــــــــــــــد ميدان الفلكي و راح منزلها تركب أي حاجة رايحة جيزة , و قبل ما تمشي الأميرة بعيد قالها الشاطر حسن: قربي مني ح اقولك علي نصيحة تخليكي في نعيم طول حياتك , قربت منه و قالتله : ايه هي يا شاطر حسن؟ قالها الشاطر حسن : امك في العش ولا طارت
و راح ناتش شنطة ايدها و خد ديله في سنانه و طار بالبساط ......... و توتة توتة خلصت الحدوتة حلوة ولا ملتوتة

قوللي رأيك

بلاجيجوووووووووووووووو
واحشني يابن الوارمة , جايبلك يا سيدي اخر ما كتبت و عايزك تقولي رأيك

يابني صعب واحدة تحبك ايوالله صعب
شوف في مرايتك تفهم قصدي و متشيلش الذنب
لبنات حوا اللي انت ظالمهم و كفاية وجعة قلب
يابني صعب واحدة تحبك وواضح انه صعب
لوشفت بنات ف جنينة ف الجيزة واقفين بيلاعبو الدب
او واحدة ماشية جنبهم و ساحبة وراها كلب
بلاش تعملي فيها حزين و تقول ده بينهم حب
حب الكلب و حب الدب .. مفيهوش دقات قلب
عيني عليك و الله يا صاحبي دانت حالتك كرب
لو مرة قلت لواحدة بحبك و قلبي مبيبطلش دب
ح تزعق فيك و تلم الناس و تنزل شتم و سب
ولو بنت ناس و اتكسفت منك ح تقول بحبك ........ زي الكلب