ازيك يا حبيبي ياللي مابشوفكش الا و انا زهقان و مدايق و الدنيا خربانه .... طبعا طبيعي انك تستنتج اني دلوقتي زهقان و مدايق و الدنيا خربانه ...... تقدر تقول كده اني في حالة تمثيل طويلة و مملة , مع اني اساسا نفسي امثل تاني بس مش التمثيل ده انما التمثيل التاني , طبعا انت زي الحمار ولا فاهم أولاني ايه ولا تاني ايه بس مش مشكلة بصراحة كده أحسن , انما اللي يخنق بقي ان انا سبب اللي انا فيه و بعدين نرجع نعيط , تصدق ياراجل الأهلي اتغلب النهاردة من فرقة كحيانة ولا تسوي .. بس تقول ايه بقي ماهي لازم تكمل عشان يبقي القرف في كل حاجة حتي الكورة .. المشكلة بقي ان حالة التمثيل السخيف لازم تستمر فترة طويلة .. طب اعمل ايه!!!!!!!!! الموضوع رخم بجد .. رخم لدرجة ان حتي الهرتلة - السخيفة - اللي انا عمال اكتبها دي مش عارف استمتع بيها زي كل مرة .. تصدق دنا حتي مكسل اشتمك ..... بس تعرف انت حظك حلو انك شفتني في اللي انا فيه ده عشان متعملش زيي , علي طريقة لومشربتش اللبن ح تبقي زي عمو , مليش مزاج أروح 6 أكتوبر بكره أصل المشوار متعب قوي و بصراحة الراجل ساعات كتير بيقعدنا عشان يرغي في نفس الحواديت بتاعت كل مرة عن انه ازاي اشتغل 14 يوم من غير خامات... أد ايه شغل المقاولات ده مقرف و بيمسح الدماغ... مشكلة المواسير اللي نزلت علي شباك ... بس بصراحة 6 أكتوبر أحسن من القعاد في بيت زي بيتنا ده بكتيييييييييييييييييييييييييييييييييييييييييييييييييييييييييييييييير ... سألتني ليه أقولك ليه .. لأ مش ح أقولك ليه .. وانت مال أمك هو كان بيت أهلك .. يالا يا حشري .... ( أقولك .. المرة الجاية ممكن أبقي أقولك ليه بس انا عايز اعمل أي حاجة تانية دلوقتي خمسة كده و لو مكنتش نمت أجيلك نرغي تاني )
سلام يا رغاي .. يااااااااااااااااااااه دنت صدعتني يا أخي
No comments:
Post a Comment