ازيك يا حبيبيييييييي ..... فاتك الفيلم العربي اللي كان حاصل النهارده ... عفوا قصدي اللي ابتدا النهارده و العرض بتاعه مستمر الي ماشاء الله , المشكلة انه فيلم قديم قوي يعني لو يوسف بيه الله يرحمه صحي و شاف اللي بيحصل ده كان ح يقولي ياااااااااااااااااااااااه دانتو ناس قدام قوي يا جدع ( ايوه كان ح يقولي يا جدع هو انت تعرفه أكتر مني ولا ايه دنت يادوبك حتة بلوج ع النت و مستحيل يكون فيه فيلم ليوسف بيه وصل للنت ) أو كان ممكن يقول ياللهول ...ياللمهزلة الأسرية... انت فعلا انسان أنوي نادر , المشكلة بقي ان الموضوع فعلا ملهوش حل خاااااااااااااالص .. حاجة تقرف جتك القرف فيك و ف اللي مشغلك .ح ألاقيها م الواد ولا م العيال ولا م الغسيل ولا م التنضيف ولا التبيخ و روح ياواد تعالا ياواد ... أنا عيزه اتطلااااااااااااااااااااااااااااااااااااااااااااااااااااق ( و متخفش ح ابريك) . لأ وأل ايه انا امبارح كنت ح اقعد أشكيلك ياخويا أل ايه بقالي مدة مش عارف اكتب اي حاجة ... كتابة ايه كتابة ايييييييييييييييييييييييه دنا دلوقتي لو عرفت أكتب اسمي يبقي فضل و عدل من ربنا , متعرفليش حل ياخويا ينوبك ثواب فيا .. أو تسألي حد من أصحابك البلاليج كان مكتوب فيه مشكلة زي كده و اتحلت مثلا .. لو لقيت ابقي اندهلي انا قاعد علي بلوج زميلك هنا جمبك ح أشدلي حجرين
No comments:
Post a Comment